रिमझिम

मी चाललो होतो फिरायला
आणि त्या निमित्ताने काही आणायला
दिवस होता सुंदर नि-
अगदी ‘तसंच’ काहीसं मनात

छानसा रस्ता सजलेला, हिरव्या बाजूंनी
फुलपाखरे खेळत होती, भोवताली रंगांनी

एवढ्यात एक छोटेसे फुलपाखरु,
गेले माझ्या भोवताली बागडून
हंऽ कदाचीत त्यावेळी-
माझं मनच गेलं होतं फुलून

ऎकू येत होती सळसळ पानांची
लागली होती थंड, चाहूल वार्‍याची

वार्‍याचा झोत गेला स्पर्शून सर्वस्वाला
नी मी भोवताली अनुभवली
मनात हेलावत्या पानांची रिमझिम

कवी - रोहन जगताप